Tërmeti i 26 Nëntorit dhe pandemia e Covid-19 kanë frenuar boomin që përjetoi gjatë 3 viteve të fundit sektori i ndërtimit.<br /><br />Sipas të dhënave të Institutit të Statistikave, numri i lejeve të ndërtimit të miratuara nga autoritetet publike njohu një rënie vjetore për të tretin tremujor rresht, duke reflektuar kështu stepjen e aktivitetit ekonomik të kësaj industrie.<br /><br />Në tremujorin e dytë të këtij viti janë miratuar 209 leje ndërtimi, nga 339 leje të mirtuara në të njëjtën periudhë të një viti më parë.<br /><br />Rënie ka shënuar edhe kërkesa për të ndërtuar sipërfaqe dhe qendra banimi të mëdha, e po ashtu edhe vlera e investimit të kompanive në këtë sektor.<br /><br />Për gjysmën e parë të këtij viti ndërmarrjet në këtë fushë kanë kërkuar të investojnë 226 milionë Euro, nga 348 milionë Euro që ishte vlera e lejeve të ndërtimit, të dhëna në Janar ? Qershor 2019.<br /><br />Në kryeqytet janë dhënë vetëm 66 leje në muajt Mars ? Qershor, duke shënuar numrin më të ulët në 3 vite, ndërsa rritje të kërkesës për leje ndërtimi ka patur vetëm Bashkia e Durrësit për shkak të rindërtimit të banesave pas tërmetit.<br /><br />Agjencitë imobiliare kanë raportuar po ashtu një rënie të aktivitetit të shit-blerjeve të pasurive të patundshme në këtë periudhë, ndërsa sektori i ndërtimit u tkurr gjatë pjesës së parë të vitit me 16.6%.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
